showbiz.news

خوبصورت اداکارہ پروین بوبی کو بچھڑے 13برس بیت گئے.

بالی وڈ کی خوبصورت اور بولڈ اداکارہ پروین بوبی کو اپنے مداحوں سے بچھڑے آج یعنی 20جنوری کو 13 برس بیت گئے ہیں۔

4 اپریل 1949کو پیدا ہونے والی پروین بوبی نے 50 سے زائد فلموں میں مرکزی کردار ادا کیا، جن میں کئی فلمیں امیتابھ بچن کے ساتھ تھیں۔ان کی کامیاب فلموں میں دیوار، امر اکبر انتھونی اور کالا پتھر شامل ہیں جبکہ 1970 کے عشرے میں ’نوجوان ناراض نسل‘ کے مزاج کی نمائندگی میں امیتابھ بچن اور پروین بوبی کی جوڑی فلمی دنیا میں کامیاب ثابت ہوئی۔

پروین بوبی شوبز کی دنیا میں جتنی خوبصورت اور دلکش زندگی گزار رہی تھیں ،ان کی ذاتی زندگی اتنی ہی تنہا رہی، اداکارہ نے کبھی شادی نہیں کی البتہ اپنے ساتھ کام کرنے والے متعدد اداکاروں اور ہدایت کاروں کے ساتھ ان کے رشتے کی افواہیں میڈیا میں گردش کرتی رہیں۔

پروین بوبی کی موت 20 جنوری 2005 میں صرف 55 سال کی عمر میں ہوئی، جو پر اسرار طریقے سے اپنے فلیٹ میں مردہ پائی گئی تھیں۔

ان کی موت کی وجہ فوری طور سامنے نہیں آسکی تھی تاہم رپورٹس کے مطابق پروین بوبی ذیابیطس کی بیماری کا شکار تھیں، جس کی باعث ان کا انتقال ہوا۔

’پدماوت ‘فلم کا پہلا ڈائیلاگ پرومو جاری.مزید پڑھیے

اپنا تبصرہ بھیجیں